借聖誕節各星座的追求攻勢之去邊好

要令白羊座有個愉快的聖誕節，事先的準備功夫絕對能夠馬虎，要留意各大傳媒熱烈推介邊Ｄ好去處，例如自助餐酒店、娛樂場所等等，消費唔需要太貴，而係要針對出名同難訂位，邊個都勁恨去的地方，最重要係預早通知佢，等佢可以四圍炫耀一下，要威要第一的白羊座一定開心死！

想令金牛座有個滿意的聖誕節唔係好困難，因為佢屬於較為傳統的星座，只要一齊溫溫馨馨咁渡過，其他的繁文縟節一Ｄ都唔重要。到一間出晒名好味的酒店食返個除夕夜自助餐，又或者索性自己買材料親自下廚煮返餐晚飯一齊食，唔好忘記準備枝靚紅酒，仲有營造少少的浪漫氣氛。

最好的選擇就係迎合返雙子座貪新鮮貪玩的性格，首先係刪除舊年同埋佢以前曾經去過慶祝的地點，另外仲要揀好玩熱鬧的地方，例如迪士尼、海洋公園，如果唔怕麻煩，可以響自己屋企攪PARTY，唔單止係果一日玩得開心，佢會連響籌備的過程之中都已經搵到唔同的樂趣。

　　同巨蟹座去邊度慶祝唔係令佢開心的重點，要令佢開心的重點係記得要連佢的屋企人都一齊邀請埋慶祝，拎錢請大家去酒店食自助餐，然後一齊去尖沙咀睇燈飾；如果唔想太破費，可以索性提議去佢屋企同埋Ｄ姨媽姑姐一齊開PARTY，當然要記得買返幾份小禮物用來抽獎。

　　要令呢位萬世巨星滿意，當然要搵返個能夠配合佢皇者身分的地方慶祝，響五星級大酒店食自助餐就係最理想的選擇，例如香格里拉呀、文華東方呀等等等等，最重要係要打扮得華麗高貴，以唔能夠著牛仔褲涼鞋，一定要著正式服裝要求的酒度最好，要衣香鬢影，華麗浪漫。

老實講，與其自己惱煩同處女座去邊度慶祝，不如索性直接問當事人有咩要求，因為處女座天生挑剔兼且主觀，基本上你揀咩都未必能完全迎合佢，既然係咁，不如主動問佢想點仲好，然後由你負責安排同預約。唔駛擔心話冇驚喜，相比起玩驚喜佢會反而欣賞你尊重佢！

　　對天秤座來講，去邊度慶祝並唔係重點，重點係落響點樣慶祝同幾多人一齊慶祝。兩個人浪浪漫漫當然係好，不過天秤座總係鍾意熱熱鬧鬧，所以就算安排好一餐溫馨的二人除夕自助餐，不過之後的狂歡倒數最好都仲係話相約一大班朋友去酒吧或者某人屋企的派對一齊渡過！

　　要令天蠍座稱心滿意，首先要做的係先問問佢有冇咩安排。同處女座唔同，「天蠍心，海底針」，就算佢另有節目安排都未必會提早話你知甚至未必預埋你，可能佢一早已經約晒朋友；響確定佢冇節目之後，最好的慶祝方法就係簡簡單單兩條友靜靜地柄埋響屋企煎心型牛扒同飲紅酒。

　　人馬座天生貪玩，到呢個普天同慶的日子要令佢滿意，安排當然離唔開熱鬧同有節日氣氛啦！85分的安排就係約佢去迪士尼、冰雪嘉年華之類，甚至去大型商場倒數活動都得，總之就係人迫迫的地方；至於100分的安排就係索性離開香港，去第二度旅行過個充滿氣氛的白色聖誕！

　　講到要同山羊座去邊度慶祝其實可以話好簡單同時亦好麻煩，因為首先佢係唔鍾意人多嘈吵的地方，人山人海的自助餐同酒吧都係佢討厭的高危，但係又唔能唔畀Ｄ聖誕氣氛佢感受一下，所以最好的安排係兩條友或者約埋幾個朋友響屋企打邊爐或者大食會，然後去附近的商場行下睇下燈飾。

　　基本上外星人對地球人的節日係冇乜特別的感覺，所以唔駛太過費心響「聖誕節」呢個環節上面，只需要當一般週末咁諗，搵一大班朋友又或者屋企人聚埋一個地方，去酒店食自助餐、去某人屋企開Ｐ，總之一齊熱熱鬧鬧傾下計，食下飲下，水瓶座就會好滿意！

　　12個星座之中以雙魚座係最簡單，基本上只要同鍾意的人一齊，對佢來講去邊度都冇所謂，如果你同佢係情人，你跟自己的意思安排就得；如果未係，可以向浪漫華麗出發，山頂餐廳、赤柱餐廳的燭光晚餐都係唔錯的選擇，當然最緊要係唔駛佢去安排就得！